कविराज नेगी विश्व तेक्वान्दो (डब्लुटी)बाट बेस्ट कोच अफ द ईयर

काठमाडौँ, २० माघ । नेपालका कविराज नेगीले विश्व तेक्वान्दो महासंघ (डब्लुटी)को कोच अफ द ईयर २०२५ को अवार्ड प्राप्त गनर्जुभएको छ ।

विश्व तेक्वान्दो (डब्लु टी)ले नेपाली राष्ट्रिय पारा तेक्वान्दो टिमका सफल प्रशिक्षक कविराज नेगी लामालाई विश्व तेक्वान्दो (डब्लुटी)को आयोजनामा सन् २०२६ फ्रेवअरी २ मा संयुक्त अरब इमिरेट्स, फुजैराहको एमिरेट्स बलरुम अल बहर होटल एण्ड रिसोर्टमा भएको वल्र्ड तेक्वान्दो गाला अवार्ड २०२५ अन्तर्गत पारा तेक्वान्दो कोच अफ द ईयर २०२५ अवार्ड पाएको छ । यो अवार्ड पाउने नेपालको तेक्वान्दो खेलको इतिहासमा पहिलो पटक कविराज नेगी लामाले हात पाएको छ ।

नेगीले नेपालमा पारा तेक्वान्दो खेलको विकास, विस्तारमा पु¥याईएको योगदान र उपलब्धिहरुलाई मुल्यङ्गकन गरी कविराज नेगी लामालाई वल्र्ड तेक्वान्दो टेक्निकल कम्मिसनले कोच अफ द ईयर २०२५ मा छनौट गरी सिफारिस गरेको थियो । सोही आधारमा नेगीलाई विश्व तेक्वान्दो (डब्लुटी)का अध्यक्ष डा. चाउ चुङ–वनले तेक्वान्दो खेलको सवै भन्दा ठुले तथा प्रतिष्ठित पारा तेक्वान्दो कोच अफ द ईयर अवार्ड दिएको हो ।

विश्व तेक्वान्दो (डब्लु टी)ले प्रत्येक वर्ष वल्र्ड तेक्वान्दो गाला अवार्ड आयोजना गर्दै आई रहेको छ भने गाला अवार्डमा ओलम्पिक तथा पाराओलम्पिकका वर्षका उत्कृष्ट पुरुष÷महिला खेलाडी, वर्षको उत्कृष्ट प्रशिक्षक, वर्षको उत्कृष्ट रेफ्री र वर्षको उत्कृष्ट सदस्य राष्ट्रिय संघलाई अवार्ड प्रदान गरिएको छ । विश्व तेक्वान्दो महासंघ (डब्लु टी)मा आवद्ध नेपाल तेक्वान्दो संघ सहित २१३ राष्ट्र रहेका छन् ।

नेगीले नेपाल तेक्वान्दो संघमा सन् २०१५ देखि राष्ट्रिय पारा तेक्वान्दो टिमका प्रशिक्षकमा रहि नेपालको लागि अन्तर्राष्ट्रिय अफिसियल १३ पदक जितेका छन् । जसमा एशियन गेम्स देखि पाराओलम्पिक सम्म र एशियल च्याम्पियनशिप देखि वल्र्ड च्याम्पियनशिप सम्मको पदकहरु ३ स्वर्ण, २ रजत र ८ कास्य पदक छन् ।

नेगी कै प्रशिक्षणमा पलेशा गोर्वधनले पेरिस २०२४ पाराओलम्पिक गेम्स तथा हाङ्जाऊ एशियन पारा गेम्स २०२२मा एतिहासिक कास्य पदक प्राप्त गरेकी थिइन् भने सिर्जना घिसिङ्गले २०२२ वल्र्ड ग्राण्ड प्रिक्स फाईनल (जि १०)मा एतिहासिक स्वर्ण पदक जितेकी थिइने ।

नेगीले हालै पोखरामा सम्पन्न भएको एनएसजेएफ पल्र्सर स्पोर्टस अवार्ड २०८१ मा कोच अफ द ईयर अवार्ड पाएका थिए भने नेपाल ओम्पिक कमिटिबाट २०२२ एन.ओ.सी वर्षको उत्कृष्ट प्रशिक्षक अवार्ड तथा राष्ट्रिय खेलकुद परिषद्बाट २०२४ पारा तेक्वान्दो उत्कृष्ट प्रशिक्षक अवार्ड र नेपाल तेक्वान्दो संघबाट २०२४ उत्कृष्ट प्रशिक्षक अवार्ड, र बागमती प्रदेश खेलकुद अवार्ड २०८२ मा उत्कृष्ट प्रशिक्षक अवार्ड समेत हासिल गरिसकेको छन् ।