सुनको मूल्यमा सामान्य वृद्धि: तोलामा ५०० ले बढ्यो, यस्तो छ आजको मूल्य

काठमाडौँ, ५ जेठ । नेपाली बजारमा मंगलबार सुनको मूल्यमा सामान्य वृद्धि भएको छ। नेपाल सुनचाँदी व्यवसायी महासङ्घका अनुसार आज सुनको मूल्य तोलामा ५०० रुपैयाँले बढेको हो।

महासङ्घले आजका लागि छापावाल सुनको मूल्य प्रतितोला २ लाख ९५ हजार ३०० रुपैयाँ निर्धारण गरेको छ। यसअघि सोमबार सुन प्रतितोला २ लाख ९४ हजार ८०० रुपैयाँमा कारोबार भएको थियो।

सुनसँगै आज चाँदीको मूल्यमा पनि वृद्धि देखिएको छ। चाँदी तोलामा ४५ रुपैयाँले बढेर ५ हजार ८५ रुपैयाँ कायम भएको छ। सोमबार चाँदी प्रतितोला ५ हजार ४० रुपैयाँमा खरिदबिक्री भएको थियो।

अन्तर्राष्ट्रिय बजारमा हुने उतारचढावका आधारमा महासङ्घले नेपाली बजारमा दैनिक सुनचाँदीको मूल्य निर्धारण गर्दै आएको छ। पछिल्ला केही दिनदेखि सुनको मूल्यमा तीव्र उतारचढाव देखिएको छ।