लगातार छैटौँ फाइनल, चौथो ट्रफी : महिला फुटबलमा बार्सिलोनाको राज

युरोपेली महिला फुटबलमा फेरि एकपटक FC Barcelona Femení को दबदबा कायम भएको छ । स्पेनिस क्लब बार्सिलोनाले UEFA Women’s Champions League को उपाधि जित्दै पछिल्ला ६ वर्षमा चौथोपटक युरोपको रानी बन्न सफल भएको हो ।

फाइनल खेलको पहिलो हाफमा फ्रान्सेली क्लब Olympique Lyonnais Féminin ले खेलमा पकड जमाएको देखिए पनि गोल गर्न नसक्दा महँगो साबित भयो । लियोनले पहिलो हाफमै गोल गरे पनि VAR मार्फत अफसाइड ठहर भएपछि गोल अमान्य भएको थियो । बार्सिलोनाकी गोलरक्षक Cata Coll ले उत्कृष्ट बचाउ गर्दै टोलीलाई खेलमा टिकाइराखिन् ।

दोस्रो हाफमा भने बार्सिलोना पूर्ण रूपमा हाबी बन्यो । पोलिस स्ट्राइकर Ewa Pajor ले दुई गोल गर्दै टोलीलाई बलियो अग्रता दिलाइन् । यससँगै उनले यस सिजनको UWCL मा ११ गोल पूरा गर्दै दोस्रोपटक गोल्डेन बुट जित्न सफल भइन् । त्यस्तै २२ वर्षीया Salma Paralluelo ले पनि दुई गोल गरिन्, जसमा उनको बायाँ खुट्टाबाट आएको शक्तिशाली गोल खेलकै उत्कृष्ट गोलका रूपमा चर्चित बन्यो ।

पाजोरले एक गोलमा असिस्टसमेत गर्दै उत्कृष्ट प्रदर्शन गरिन् । गत वर्ष Arsenal W.F.C. सँग फाइनलमा भोगेको हारको पीडा भुलाउँदै बार्सिलोनाले फेरि आफूलाई युरोपेली महिला फुटबलको शक्तिशाली टोलीका रूपमा स्थापित गरेको छ । लगातार छैटौँ पटक फाइनल पुगेको बार्सिलोनाले चार उपाधि जितेर नयाँ इतिहास रचेको छ ।