अर्जेन्टिनाको साम्राज्य तोड्दै स्पेन नयाँ विश्वविजेता, १६ वर्षपछि पुनः फुटबलको शिखरमा
काठमाडौँ, ४ साउन । स्पेनले साविक विजेता अर्जेन्टिनालाई पराजित गर्दै फिफा विश्वकप २०२६ को उपाधि जितेको छ। अमेरिकाको न्युयोर्कस्थित न्युजर्सी स्टेडियममा आइतबार बिहान सम्पन्न रोमाञ्चक फाइनल भिडन्तमा अर्जेन्टिनालाई १–० ले स्तब्ध पार्दै स्पेन १६ वर्षपछि पुनः विश्व फुटबलको नयाँ राजा बनेको हो।
निर्धारित ९० मिनेटको समय गोलरहित बराबरीमा सकिएपछि खेल अतिरिक्त समयमा धकेलिएको थियो। खेलको १०६औँ मिनेटमा स्पेनका स्ट्राइकर फेरान टोरेसले उत्कृष्ट गोल गर्दै टोलीलाई अग्रता दिलाए। अतिरिक्त समयको दोस्रो हाफको सुरुवातमै भएको उक्त गोल नै स्पेनलाई विश्वविजेता बनाउन पर्याप्त बन्यो।
खेलको उत्तरार्धमा अर्जेन्टिनाले ठुलो रणनीतिक क्षति बेहोर्नु परेको थियो। निर्धारित समयको अन्तिम क्षणमा प्रभावशाली मिडफिल्डर एन्जो फर्नान्डेजले दोहोरो पहेँलो कार्ड (रातो कार्ड) पाउँदै मैदान बाहिरिएपछि अर्जेन्टिना १० खेलाडीमा सीमित भएको थियो। एक खेलाडी कम भएको फाइदा उठाउँदै स्पेनले अतिरिक्त समयमा अर्जेन्टिनाको रक्षापङ्क्तिमाथि निरन्तर दबाब सिर्जना गर्यो र अन्ततः सफलता हात पार्यो।
स्पेनले सन् २०१० मा दक्षिण अफ्रिकामा भएको विश्वकपपछि पहिलो पटक यो ठुलो उपलब्धि हासिल गरेको हो। १६ वर्षको लामो प्रतीक्षापछि स्पेनले पुनः विश्वकपको ट्रफी उचाल्दा मैदानमा स्पेनी खेलाडी र समर्थकहरूको खुसीको सीमा रहेन। खेल अवधिभर स्पेनले बलमाथिको नियन्त्रण र आक्रमणमा अर्जेन्टिनालाई दबाबमा राखेको थियो।
यता, लियोनेल मेस्सीपछिको युगमा लगातार दोस्रो पटक उपाधि जित्ने दाउमा रहेको अर्जेन्टिनाको सपना भने अधुरै रह्यो। सन् २०२२ को कतार विश्वकपको च्याम्पियन अर्जेन्टिनाले फाइनलमा सानदार प्रदर्शन गरे तापनि १० खेलाडीमा खुम्चिनु र अन्तिम समयमा एकाग्रता गुमाउनु उसका लागि महँगो सावित भयो।
