मुम्बई, १९ असोजः बलिउड फिल्म ‘हनुमान अंश’ ले भारतीय बक्स अफिसमा ३०० करोड भारुको आँकडा पार गरेको छ। प्रदर्शनको ५७औँ दिन अर्थात् नवौँ शुक्रबार फिल्मले २.२५ करोड भारु कमाएसँगै कुल नेट कलेक्सन ३०१.७८ करोड भारु पुगेको हो।

गान्धी जयन्तीको राष्ट्रिय बिदाका कारण फिल्मको व्यापारमा थप वृद्धि भएको जनाइएको छ। पछिल्लो समय ‘दृश्यम ३’ प्रदर्शनमा आएसँगै ‘हनुमान अंश’का शो संख्या घटे पनि यसको व्यापारमा भने उल्लेख्य असर नपरेको बताइएको छ।

फिल्मले प्रदर्शनको नवौँ सातासम्म पनि दर्शकको साथ पाइरहेको र यसको व्यावसायिक यात्रा अझै जारी रहेको निर्माण पक्षले जनाएको छ।

भारतीय बक्स अफिसमा फिल्मको आधिकारिक नेट कलेक्सन ३०१.७८ करोड भारु पुगेको छ।