अनिश्चितकालका लागि इन्धनको आपूर्ति ठप्प पार्ने चेतावनी–काठमाडौमा पेट्रोलको हाहाकार

maitrinews

काठमाडौ। नेपाल आयल निगमले हालै कार्यान्वयनमा ल्याएको ढुवानी विनियावली २०७३ को ढुवानी ट्यांकर व्यवसायीहरुले चर्को विरोध गरेका छन्।

No Petrol 2

त्यस विनियावली ‘आफूहरु’ को हितमा नभएको भन्दै ट्यांकर क्षेत्र केन्द्रीय समन्वय समितिले अनिश्चितकालका लागि इन्धनको आपूर्ति ठप्प पार्ने चेतावनी दिएको छ ।

निगमले गत पुसदेखि कार्यान्वयनमा ल्याएको उक्त विनियावलीमा आफूहरुर्ला बेरोजगार बनाउने व्यवस्था गरिएको भन्दै उक्त समितिले मजदुरको रोजगारीमा प्रत्यक्ष प्रभाव पार्ने खालका प्रावधान विनियावलीबाट तत्काल हटाउनुपर्ने माग अघि सारेका छन् ।

वार्ता र सम्वादको माध्यमबाट निगमले यही फागुन १४ गतेभित्रमा मजदुरको रोजगारीसम्बन्धी व्यवस्था नहटाए आगामी १५ गतेदेखि भारत र नेपालको डिपोमा हुने इन्धनको सम्पूर्ण लोड र अनलोड प्रक्रिया अनिश्चितकालका लागि ठप्प पार्ने समितिले चेतावनी दिएका छन्।

समितिले शुक्रबार नै नेपालको सम्पूर्ण डिपोमा लोड र अनलोडसम्बन्धी काम ठप्प गरी सांकेतिक आन्दोलन (टोकन स्ट्राइक) गरिसकेका छन् । ट्यांकर चालक र मजदुरहरुले गरेको उक्त दिनको आन्दोलनका कारण निगमले गत बिहीबार र शुक्रबार भारतबाट भित्र्याएको इन्धन शुक्रबार कुनै पनि पेट्रोल पम्पमा पुग्न सकेन्।

No Petrol 1

जसका कारण उपत्यकासहित देशभरका पेट्रोल पम्पमा आइतबार साँझसम्म इन्धनको चर्को हाहाकार भएको छ । समितिका संयोजक अर्जुन अर्यालका अनुसार निगमले हालै कार्यान्वयनमा ल्याएको विनियावलीमा एक जनाले पाँच वटाभन्दा कम संख्यामा इन्धन ट्यांकर राख्न नपाउने व्यवस्था गरिएको छ ।

पुरानो विनियावलीमा एक जनाले एक ट्यांकर राख्न पाउने व्यवस्था छ ।
प्रकाशन मिति–२०७३ साल फागुन ८ गते आइतवार।