मोस्ट वान्टेड गुण्डा खोज्न राजधानीका पाँचवटा क्यासिनोमा सर्च अपरेशन

काठमाडौँ । राजधानीमा सञ्चालित पाँच वटा क्यासिनोमा छापा मारेको छ ।
काठमाडौं प्रहरी र महानगरीय अपराध महाशाखाले गए राति ह्यात होटलमा सञ्चालित क्यसिनो प्राईडसहित काठमाडौंका पाँच क्यासिनोमा छापा मारेको महानगरीय अपराध महाशाखा प्रमुख दिनेश अमात्यले जानकारी दिए ।

‘क्यासिनोमा नेपालीलाई प्रवेश दिईएको सूचनाका आधारमा छापा मारेका हौं’ एसएसपी अमात्यले भने, ‘आईतबार राती छापा मार्दा नेपाली ग्राहक फेला परेनन् ।’
मध्यराती साढे ९ बजेतिर क्यासिनो पुगेको महानगरीय प्रहरी परिसर र अपराध महाशाखाबाट डिएसपीको कमाण्डमा खटिएका संयुक्त टोलीले साढे ११ बजेसम्म क्यासिनोमा सर्च अपरेशन चलाएको थियो ।

क्यासिनो प्राईडसहित सोल्टी होटलमा सञ्चालित क्यासिनो माहाजोङ्ग, सांग्रिला होटलमा सञ्चालित क्यासिनो, याक एण्ड यति होटलको क्यासिनो रोयल तथा र्याडिसयन होटलमा सञ्चालित क्यासिनोमा छापा मारेको जानकारी दिँदै महानगरीय प्रहरी परिसर काठमाडौंको प्रवक्ता ९एसपी० प्रधुम्न कार्र्कीले भने, ‘हामीले खोजेका मोस्ट वान्टेड गुण्डाहरु पनि क्यासिनोमा जाने गरेको सुचनाका आधारमा छापा मारेका हौं ।’

फरार सूचिमा रहेको गुण्डालाई नियन्त्रणमा लिने योजना सहित क्यासिनो पुगेको प्रहरी रित्तो हात फर्किएको छ । क्यासिनोमा नेपाली प्रवेश गराउने लगायतका अन्य आपराधिक गतिवीधी समेत हुने गरेको सुचना आईरहेको हुनाले अबका दिनमा नियमित चेकजाँच गरिने एसपी कार्कीले बताए ।

चैत १४ गते ।