नेपाल चेम्बर अफ कमर्सको अध्यक्षमा राजेन्द्र मल्ल

maitrinews

 

काठमाडौं । नेपाल चेम्बर अफ कमर्सको अध्यक्षमा राजेन्द्र मल्ल निर्विरोध निर्वाचित हुनुभएको छ । कार्यसमितिका निर्वाचित सदस्यहरूको प्रथम बैठकले मल्लको नेतृत्वमा पदाधिकारी चयन गरेको हो ।

चेम्बरको ५५ सदस्यीय कार्यसमितिको वरिष्ठ उपाध्यक्षमा कमलेश कुमार अग्रवाल निर्वाचित हुनुभएको छ ।

उपाध्यक्षमा वाणिज्यतर्फ दीपक कुमार मलहोत्रा, उद्योगतर्फ उर्मिला श्रेष्ठ, जिल्ला नगरतर्फ दीपक श्रेष्ठ, बस्तुगत संघबाट सुरेन्द्र कुमार श्रेष्ठ र संस्थागत उद्योग वाणिज्य संघबाट त्रिभुवनधर तुलाधर निर्वाचित हुनुभएको छ ।

कार्यसमितिका निर्वाचित सदस्यहरूले पद तथा गोपनीयताको शपथग्रहण पनि गर्नुभएको छ ।