अग्रपंक्तिमा काम गर्ने स्वास्थ्यकर्मीका लागि पुरस्कार

maitrinews

 

काठमाडौं । बारबरा फाउन्डेसनमार्फत उद्यमी सहिृद घिमिरेले रु १ करोड १ रुपैयाँ राशीको पुरस्कार घोषणा गरेका छन् । फाउन्डेसनका कार्यकारिणी सदस्य समेत रहेका घिमिरेले पुरस्कार घोषणा गर्नुभएको फाउन्डेसनले जनाएको छ । विद्यमान कोभिड १९ महामारीमा अग्रपंक्तिमा रहेर काम गरिरहेका स्वास्थ्यकर्मीहरुको हौसला तथा सम्मान स्वरुप पुरस्कार स्थापना गरिएको फाउन्डेसनका अध्यक्ष डा।सन्दुक रुइतद्वारा जारी विज्ञप्तिमा जनाइएको छ ।
बारबरा फाउन्डेसनले गत वर्ष पनि समाजका विभिन्न क्षेत्रमा कार्यरत अग्रपंक्तिमा खटिएका व्यक्तिहरुलाई विशेष सम्मान प्रदान गर्दै आएको छ । फाउन्डेसनले देशका सरकारी, सामुदायिक वा गैरनाफामूलक संस्था वा त्यसमा कार्यरत स्वास्थ्यकर्मी मध्येबाट निष्पक्ष छनौट गर्नका लागि नेपाल मेडिकल काउन्सिलका अध्यक्ष प्राडा भगवान कोइरालाको अध्यक्षतामा निर्णायक समिति समेत गठन गरेको छ ।