सशस्त्र प्रहरीको आईजीपीमा पुष्पराम केसी नियुक्त

maitrinews

 

काठमाडौं । सरकारले सशस्त्र प्रहरी महानिरीक्षक ९आईजीपी० मा पुष्पराम केसीलाई नियुक्त गरेको छ ।

बुधबार बिहान बसेको मन्त्रिपरिषद् बैठकले वरिष्ठतम् एआइजी केसीलाई नियुक्त गरेको हो ।

सशस्त्र प्रहरी महानिरीक्षक शैलेन्द्र खनाल सोमबार अवकाशमा गएपछि आइजी पद खाली थियो ।

नयाँ आईजीपीको प्रतिस्पर्धामा एआईजी केसी र रामशरण पौडेल हुनुहुन्थ्यो । सरकारले वरियताका आधारमा केसीलाई महानिरीक्षक नियुक्त गरेको हो ।

केसीको कार्यकाल भने २१ दिन मात्र हुनेछ । उमेर हदका कारण केसी र एआईजी पौडेल दुबैले १९ वैशाखमा अवकास पाउनेछन् । त्यसपछि फेरि नयाँ चयन हुनेछ ।

केसी नेपाल प्रहरीमा २०४९ वैशाख १९ मा इन्स्पेक्टरमा भर्ना हुनु भएको र पछि सशस्त्र प्रहरीमा प्रवेश गर्नु भएको हो ।