दोलखामा पहिरोले घर बगाउँदा तीन जना बेपत्ता

दोलखा, १९ साउन । दोलखामा पहिरोले घर बगाउँदा तीन जना बेपत्ता भएका छन् । भने तीन जनाको घाइते अवस्थामा उद्धार गरिएको छ।

दोलखाको गौरीशंकर गाउँपालिका वडा नं ८ मा पहिरोले घर बगाउँदा तीन जना बेपत्ता भएका छन्।

वडा अध्यक्ष दावा शेर्पाका अनुसार बेपत्ता र घाइतेको परिचय खुल्न सकेकाे छैन । यस्तै टोपाटारमा ३ घर पुरिएको उहाँको भनाइ छ।

यस्तै गएरातिको वर्षाले उक्त वडाको सल्ले गाउँका २ घर बगाएको छ भने १५ घर विस्थापित भएको वडा अध्यक्ष शेर्पाले जानकारी दिनुभयाे ।