टी–२० अन्तर्राष्ट्रिय क्रिकेट : नेपाल आज नेदरल्यान्ड्ससँग भिड्दै
काठमाडौं, १६ फागुन । नेपालले आज त्रिकोणात्मक टी–२० अन्तर्राष्ट्रिय क्रिकेट श्रृंखलामा नेदरल्यान्ड्स खेल्दै छ ।
हिजो नेपाल नामिबियासँग २० रनले पराजित भएको थियाे भने आज पहिलो जितको खोजीमा मैदान उत्रन लागेको हो ।
कीर्तिपुरस्थित त्रिवि क्रिकेट मैदानमा खेल बिहान साढे ११ बजे हुनेछ । नेपालले अर्को खेल फागुन १८ गते नामिबिया र १९ गते नेदरल्यान्ड्ससँग खेल्नेछ ।
श्रृंखलाको लिग चरणबाट शीर्ष दुई टोली उपाधिका लागि फाइनलमा भिड्नेछन् । फाइनल खेल फागुन २२ गते हुनेछ ।
