भारतको लोकसभा निर्वाचन परिणामः मोदी गठबन्धनलाई २९२, गान्धी गठबन्धनलाई २३४

काठमाडौं, २३ जेठ । छिमेकी मुलुक भारतमा दुई पटक प्रधानमन्त्री बन्नु भएका नरेन्द्र मोदीको तेस्रो पटक प्रधानमन्त्री बन्ने बाटोलाई यो पटकको लोकसभा निर्वाचनले केही कमजोर बनाई दिएको छ । विगतका दुई निर्वाचनमा एक्लै बहुमत ल्याउन सफल उहाँको पार्टी यो पटक भने गठबन्धनमा मात्रै बहुमत पुगेको छ ।

विगतका दुई निर्वाचनको तुलनामा निकै कमजोर नजिता निकाल्न सफल भारतीय जनता पार्टी र भारतीय कंग्रेस गठबन्धन बनाएर चुनावी मैदानमा थिए । भारतीय सञ्चार माध्ययमका अनुसार भारतीय जनता पार्टी (भाजपा) नेतृत्वको नेसनल डेमोक्र्याटिक अलायन्स (एनडिए गठबन्धन) ले २९२ सिट जितेको छ भने कंग्रेस आईले नेतृत्व गरेको प्रतिपक्षी इन्डिया गठबन्धनले २३४ सिट जितेको छ।

[bsa_pro_ad_space id=69]

एक क्षेत्रको मतपरिणाम आउन बाँकी छ। अन्य पार्टीहरूले भने १७ सिट जितेका छन्। मतपरिणाम आउन बाँकी एक क्षेत्रमा पनि इन्डिया गठबन्धनको अग्रता छ । त्यो परिणाम आउँदा इन्डिया गठबन्धनको २३५ सिट हुन्छ । बहुमतका लागि २७२ सिट चाहिन्छ । ९६ करोड ८० लाख मतदातामध्ये ६४ करोड २ लाख मतदाताले मतदानमा भाग लिएको भारतीय चुनावमा ५४३ सिट रहेका छन् ।

[bsa_pro_ad_space id=68]