झ्याप्ले खोला पहिराे अपडेट : थप १३ जनाको शव फेला
काठमाडौं, १३ असाेज । धादिङको झ्याप्ले खोलामा पुरिएको अवस्थमा थप १३ जनाको शव फेला परेको छ।
आइतबार बिहान पहिरो पन्छाउनेक क्रममा फेला गरेका शवमध्ये १० जना पुरुष र ३ जना महिलाको रहेको चितवन प्रहरीले जनाएको छ ।
प्रहरीका अनुसार आज फेला परेका शव शुक्रबार बिहान गोरखाबाट काठमाडौंका लागि छुटेको ना ४ ख २२७० नम्बरको दरौदी यातायात सेवा कम्पनीको बसका यात्रु हुनसक्ने अनुमान गरेकाे छ ।
पहिरो पन्छाउने क्रममा प्रहरी र उद्धारमा खटिएकाहरूले एउटा बस पुरिएको अवस्थामा फेला पारेको थियो। तर, बस आधामात्रै देखिएकाले बस नम्बर पहिचान हुन सकेकाे छैन।
घटनास्थलमा सशस्त्र प्रहरी, नेपाली सेना, नेपाल प्रहरीसहितको टोली उद्धारमा खटिएका छन् ।
