अधिकांश क्याम्पसमा मतदान सुरु

काठमाडौँ, ५ चैत । त्रिभुवन विश्वविद्यालय (त्रिवि) अन्तर्गतका आङ्गिक र सम्बन्धन प्राप्त क्याम्पसहरूमा स्वतन्त्र विद्यार्थी युनियन (स्ववियु) निर्वाचन सुरु भएको छ।

स्ववियु निर्वाचन केन्द्रीय अनुगमन तथा समन्वय समितिका सदस्यसचिव पशुपति अधिकारीका अनुसार आज बिहान ८:०० बजेदेखि ४६ आङ्गिक र दुई सय ५० सम्बन्धन प्राप्त क्याम्पसमा मतदान सुरु भएको हो।

अधिकारीका अनुसार अधिकांश क्याम्पसमा मतदान सुरु भइसकेको छ र मतदान अपराह्न ४:०० बजेसम्म जारी रहनेछ। मतदान सम्पन्न भएलगत्तै सम्बन्धित क्याम्पसको निर्वाचन समितिले आजै साँझदेखि मतगणना सुरु गर्ने तयारी गरेको छ।

त्रिविले प्रत्येक दुई वर्षमा स्ववियु निर्वाचन गर्दै आएको छ। यस निर्वाचनमा विभिन्न राजनीतिक दल निकट विद्यार्थी सङ्गठनहरू जस्तै अनेरास्ववियु, नेपाल विद्यार्थी सङ्घ, अनेरास्ववियु (क्रान्तिकारी), अनेरास्ववियु, र स्वतन्त्र विद्यार्थी समूह लगायतले भाग लिएका छन्।

यसअघि, २०६५ सालदेखि स्ववियु निर्वाचन नियमित हुन सकेको थिएन। तर, २०७३ चैत १५ गते एकैपटक निर्वाचन भएको थियो। त्यसपछि २०७९ चैत ५ गते केही क्याम्पसहरू बाहेक देशभरि नै निर्वाचन सम्पन्न भएको थियो। त्रिविमा २०१८-१९ देखि प्रत्यक्ष प्रणालीबाट निर्वाचन हुँदै आएकोमा २०३० सालसम्म प्रत्येक वर्ष र २०३६ सालदेखि प्रत्येक दुई-दुई वर्षमा निर्वाचन हुने गरेको छ।