एनपिएलः पोखरा सामू चितवनले दियो सामान्य लक्ष्य
काठमाडौँ, २० मङ्सिर । नेपाल प्रिमियर लिग (एनपिएल) मा आजको दोस्रो खेलमा चितवन राइनोजले पोखरा एभेन्जर्स सामू जीतका लागि १२१ रनको सामान्य लक्ष्य दिएको छ । त्रिभुवन विश्वविद्यालय अन्तरराष्ट्रिय क्रिकेट मैदानमा टस जितेर पहिले ब्याटिङ रोजेको चितवनले निर्धारित २० ओभरमा ६ विकेटको क्षतिमा १२० रन मात्रै बनाउन सक्यो । उसका लागि देव खनालले सर्वाधिक ३५ र अल्पेश रामजानीले अविजित ३३ रन बनाए । पोखराका नञ्जय लक्षनले तीन विकेट लिए ।
प्लेअफबाट बाहिरिसकेका चितवन र पोखराका लागि आजको खेल प्रतिष्ठाको हुनेछ । दुवै टोलीसँग छ खेलबाट चार/चार अङ्क छ । आजै भएको पहिलो खेलमा विराटनगरले सुदूरपश्चिमलाई पराजित गरेकोे थियो ।
