प्रतिनिधि सभामा नीति तथा कार्यक्रममाथि छलफल जारी : आजै निर्णयार्थ प्रस्तुत गरिने सम्भावना

काठमाडौँ,  वैशाख ३० । सङ्घीय संसद्अन्तर्गत प्रतिनिधिसभाको बैठक आज बिहान ११:०० बजे बस्दैछ। आजको बैठकमा सरकारले प्रस्तुत गरेको आगामी आर्थिक वर्षको नीति तथा कार्यक्रममाथिको छलफलले निरन्तरता पाउने संसद् सचिवालयले जनाएको छ ।

राष्ट्रपति रामचन्द्र पौडेलले गत सोमबार सङ्घीय संसद्को संयुक्त बैठकमा सरकारको नीति तथा कार्यक्रम प्रस्तुत गर्नुभएको थियो। उक्त नीति तथा कार्यक्रममाथि मङ्गलबारदेखि सदनमा सैद्धान्तिक छलफल सुरु भएको हो। हिजोको बैठकमा सांसदहरूले दलीय प्रतिनिधित्वका आधारमा नीति तथा कार्यक्रममाथि आ–आफ्नो धारणा र सुझाव प्रस्तुत गरेका थिए ।

संसद् सचिवालयको आजको सम्भावित कार्यसूचीअनुसार, नीति तथा कार्यक्रममाथिको छलफल सकिएपछि यसलाई निर्णयार्थ प्रस्तुत गरिने कार्यक्रम रहेको छ। सरकारले संसद्मा प्रस्तुत गरेको यसै नीति तथा कार्यक्रमको आधारमा आगामी जेठ १५ गते आर्थिक वर्ष २०८१/८२ (पाठअनुसार २०८३/८४) को वार्षिक बजेट प्रस्तुत गर्ने संवैधानिक व्यवस्था छ ।

यसैगरी, माथिल्लो सदन राष्ट्रियसभाको बैठक पनि आजै दिउँसो १२:१५ बजे बस्ने तय भएको छ। राष्ट्रियसभाको आजको बैठकमा पनि सरकारको नीति तथा कार्यक्रममाथि छलफल प्रारम्भ हुने सम्भावित कार्यसूची रहेको छ ।

संसद्का दुवै सदनमा नीति तथा कार्यक्रम पारित भएपछि सरकारलाई बजेट प्रस्तुत गर्ने मार्गप्रशस्त हुनेछ ।