नेपाल—जापान सम्बन्धलाई ओलीले नयाँ उचाइमा पुर्याउनुभयो : जापानी राजदूत

काठमाडौँ । नेकपा एमालेका अध्यक्ष तथा पूर्वप्रधानमन्त्री केपी शर्मा ओली र नेपालका लागि जापानका राजदूत मासाशी ओगावाबीच भेटवार्ता भएको छ । एमाले पार्टी कार्यालय धुम्बाराहीमा उहाँहरुबीच भेटवार्ता भएको ओलीका प्रेस संयोजक चेतन अधिकारीले जानकारी दिनुभयो ।

भेटवार्तामा जापानका राजदूत ओगावाले अध्यक्ष ओली प्रधानमन्त्री भएका बेला दुई देशबीचको सम्बन्ध थप उचाइमा पु¥याएको बताउँदै कार्यकाल सफल भएकामा धन्यवाद दिनुभएको थियो ।

करिब आधा घन्टा उहाँहरुबीच भएको भेटवार्तामा द्विपक्षीय सम्बन्ध र नेपालको राजनीतिक घटनाक्रमका विषयमा पनि छलफल भएको प्रेस संयोजक अधिकारीले जानकारी गराउनुभयो ।
आइतबार एमाले अध्यक्ष ओली र नेपालका लागि भारतीय राजदूत रणजित रायबीच भेटवार्ता भएको थियो ।