कुनैपनि राजनीतिक दल वा उमेदवारले मत सर्वेक्षण गर्न नपाइने, गरेमा एक लाख रुपैयाँसम्म कारबाही हुने
काठमाडौं, २७ असाेज । मंसिर ४ गते हुने आगामी संसदीय निर्वचनका लागि निर्वाचन आयोगले मत सर्वेक्षण गर्न रोक लगाएको छ ।
आयोगले निर्वाचन आचारसंहिताविपरीत कुनै पनि माध्यमबाट उमेदवार तथा राजनीतिक दलबारे मत सर्वेक्ष नगर्न निर्देशन दिएको हाे ।
आयोगले उमेदवार तथा पार्टी केन्द्रित भएर उनीहरुले पाउने मतबारे सर्वेक्षण नगर्न आग्रह गरेको हो । बुधबार आयोगले मत सर्वेक्षण गरेमा एक लाख रुपैयाँसम्म कारबाही हुने चेतावनी दिएको छ ।
उमेदवारको मनोनयन दर्ता भएको मितिदेखि मतदान सम्पन्न नभएसम्म उमेदवार वा राजनीतिक दलको मतपरिणामको सम्बन्धमा मत सर्वेक्षण गर्न वा त्यस्तो सर्वेक्षणको परिणाम घोषणा गर्न वा प्रकाशन गर्न नहुने
निर्वाचन आचारसंहिताले व्यवस्था गरेको छ ।