स्कुटर दुर्घटना हुँदा मकवानपुरमा ३ जनाको मृत्यु
मकवानपुर, २९ पुस । मकवानपुरको मनहरी गाउँपालिका-९ भलादमी चोक नजिक गाडीकाे ठक्करबाट तीन जनाको मृत्यु भएको छ ।
गाडीकाे ठक्करबाट मृत्यु हुनेमा स्कुटरमा सवार मनहरी गाउँपालिका ८ का ३२ वर्षीय धर्मराज मोक्तान, ३० वर्षका मिलन मोक्तान र राक्सिराङ गाउँपालिका-३ का २९ वर्षका रुपेश तामाङ छन् ।
स्कुटर दुर्घटना भएको सूचना पाएपछि इलाका प्रहरी कार्यालय मनहरीबाट प्रहरीको टोली घटनास्थल पुगेको थियो । प्रहरीले तीनैजनालाई गम्भीर अवस्थामा उद्धार गरी उपचारका लागि चितवनको पुरानो मेडिकल कलेज पठाएको थियो ।
सवारी साधनले ठक्कर दिँदा स्कुटरमा सवार तीनै जनाको मृत्यु भएको भन्दै दोषीलाई कारबाहीको माग गर्दै स्थानीयले केहीबेर सडक बन्द गराएका थिए ।
