दसैँमा मनकामना केबलकार तीन दिन बन्द हुने
चितवन, ४ कात्तिक । मनकामना केबलकार दसैँमा तीन दिन बन्द हुने भएको छ ।
दसैँकाे नवमी, दशमी र एकादशीका दिन कात्तिक ६, ७ र ८ गते केबलकार बन्द हुने मनकामना दर्शन प्रालिका नायब प्रबन्धक उज्ज्वल शेरचनले जानकारी दिनुभयो ।
प्रबन्धक शेरचनका अनुसार मनकामना केबलकार कात्तिक ९ गतेदेखि नियमित सञ्चालनमा आउने छ ।
गोरखाको सहिद लखन गाउँपालिकास्थित मनकामनामा रहेको प्रसिद्ध धार्मिकस्थल मनकामना माताको मन्दिर जान चितवनको इच्छाकामना–४ कुरिनटारबाट १० मिनेटमा पुग्न सकिन्छ ।
