नेपालले आज नामिबियासंग भिड्दै, जित्नैपर्ने दबाबमा नेपाल

काठमाडौं, १८ फागुन । त्रिकोणात्मक टी-२० आई सिरिजको तेस्रो खेलमा नेपालले आज नामिबियासँग भिड्दै छ ।

कीर्तिपुरस्थित त्रिवि मैदानमा नेपाल र नामिबियाबीचको खेल बिहान साढे ११ बजे मा सुरु हुनेछ ।

यसअघि नेपालल पहिलो खेलमा नामिबियासँग २० रनले पराजित भएकाे थियाे भने दोस्रो खेलमा बुधबार नेदरल्याण्डविरुद्ध २ रनको हार बेहोरेको थियो।

दुई खेलमा नै पराजित भएको नेपालले फाइनल खेल्ने सम्भावना कायम राख्न आज जित्नैपर्ने दबाबमा छ । आज नामिवियासँग पराजित भए नेपाल एक खेल अगावै फाइनल दौडबाट बाहिरिनेछ ।

टी -२० त्रिकोणात्मक सिरिजमा नेपाल, नामिबियासँगै नेदरल्याण्ड सहभागी छ । २ वटै खेल हारेको नेपाल अंकतालिकाकाे पुछारमा छ ।