धोबीखोलाले बगाएकाे ट्याक्सी खाेज्नका लागि प्रहरी परिचालन, चालक सकुशल(तस्बिरहरू)
काठमाडौं, ३१ भदाै । काठमाडाैंकाे हनुमानथान र थापागाउँ जोड्ने पुल नजिकबाट बा २ ज १७९२ नम्बरको ट्याक्सी धोबीखोलाले बगाएको छ ।
ट्याक्सी आइतबार बेलुकी परेकाे भारी वर्षाकाे भेलले गाएकाे हाे । ट्याक्सीमा सवार चालक ३३ वर्षीय उर्गेन लामालाई भने सकुशल उद्धार गरिएको छ ।
खोलाले बगाएको ट्याक्सी थापाथलीस्थित वाग्मती नदी र धोवीखोलाको दोभानमा केही भाग देखिएकाे थियाे ।
ट्याक्सीलाई दोभानबाट बाहिर निकाल्ने प्रयास भइरहेपनि असफल भएपछि भेलले बगाएर वागमतीमा पुर्याएकाे थियाे ।
काठमाडौं उपत्यका प्रहरी कार्यालयका अनुसार गाेताखाेर प्रयाेग गरेर आज फेरी खाेज्न थालिएकाे छ ।
तस्बिर : राज महर्जन
