इजरायलमा विशेष कारबाहीका क्रममा ५१३ जना प्यालेस्टिनी पक्राउ

एजेन्सी, १ पुस । गत हप्ता इजरायलभरि सीमा प्रहरी र सैनिकहरूले गरेको विशेष कारबाहीमा ५१३ जना अवैध प्यालेस्टिनी बासिन्दाहरू पक्राउ परेका छन्। अवैध रूपमा इजरायल प्रवेश गर्ने र त्यहाँ बसोबास गर्ने प्रयासहरूलाई रोक्नका लागि यो अपरेसन चलाइएको थियो।

जेरुसेलम क्षेत्रमा मात्रै ३९१ जना अवैध बासिन्दा र उनीहरूलाई अवैध निवासमा सहयोग गर्ने ३४ जना संदिग्धहरूलाई पक्राउ गरिएको छ।

गएको सप्ताहन्तमा भएको एउटा घटनामा, जेरुसेलम क्षेत्रको सीमा प्रहरीले प्यालेस्टिनी क्षेत्रहरूसँगको विभाजन पर्खाल माथि उफ्रेर अतारोट औद्योगिक क्षेत्रको नजिकैको कारखानाभित्र लुकेका २५ जना अवैध बासिन्दाहरूलाई पक्राउ गरेको थियो।

यसै गरी, उत्तरी र तटीय क्षेत्रमा १८ जना अवैध बासिन्दा र उनीहरूलाई सहयोग गर्ने ११ जना संदिग्धहरूलाई नियन्त्रणमा लिइएको छ।

दक्षिणी क्षेत्रमा ५७ जना अवैध बासिन्दा र सहयोग गर्ने चार जना संदिग्धहरूलाई पक्राउ गरिएको छ भने केन्द्रीय क्षेत्रमा ४७ जना अवैध बासिन्दा र सहयोग गर्ने चार जना संदिग्धहरूलाई पक्राउ गरिएको छ।