काठमाडौं, १८ माघ। अछाममा काठमाडौंका पूर्वमेयर बालेन्द्र शाह (बालेन) को चुनावी प्रचारमा सहभागी भइरहेका बेला एक्कासी बेहोस भएका चलचित्र पत्रकार दिनेश सिटौलाको निधन भएको छ ।

ग्राण्डी अस्पतालले आज विज्ञप्ति निकालेर उनको आज दिउँसो १२:४५ बजे निधन भएको जानकारी दिएको हो ।

सिटौला चलचित्र पत्रकार संघ नेपालका निवर्तमान अध्यक्षसमेत हुन् । राष्ट्रिय स्वतन्त्र पार्टी (रास्वपा) का नेता बालेन्द्र शाहकाे अछाममा चुनावी प्रचारमा सहभागी भइरहेका बेला सिटौला एक्कासी बेहोस भएका थिए ।

त्यसपछि उनलाई सेनाको हेलिकप्टरमार्फत तत्काल काठमाडौँ ल्याई काठमाडौं ग्राण्डी अस्पताल भर्ना गरिएको थियो ।