नेत्री रामकुमारी झाँक्री गिरफ्तार

maitrinews

 

काठमाडौँ । प्रचण्ड माधव नेपाल नेतृत्वको नेकपाकी नेत्री रामकुमारी झाँक्रीलाई प्रहरीले राज्यविरुद्धको कसुरमा पक्राउ गरेको छ।गिरफ्तारी दिनुअघि उनले राज्यले अभिव्यक्ति स्वतन्त्रताविरुद्ध अंकुश लगाउन खोजेको आरोप लगाएकी थिइन्।

उनलाई राज्यविरुद्धको कसुर दफा ५८ बमोजिम पक्राउपुर्जी दिइएको छ।हालै विघटन भएको प्रतिनिधिसभामा रामकुमारी झाँक्री नेपाल कम्युनिस्ट पार्टी नेकपाको समानुपातिक तर्फबाट सांसद् थिइन्।
हाल नेकपाको प्रचण्ड(नेपाल खेमामा रहेकी उनी पार्टीको केन्द्रीय सदस्य हुन्। उनी विद्यार्थी राजनीति पृष्ठभूमिबाट आएकी हुन्।
२०६५ सालमा तत्कालीन नेकपा ९एमाले० को विद्यार्थी सङ्गठन अनेरास्ववियूको पोखरा(महाधिवेशनबाट उनी अध्यक्ष भएकी थिइन्।

सो पदमा निर्वाचित हुने उनी पहिलो महिला बनेकी थिइन्।
यसैबीच प्रचण्ड नेपाल नेतृत्वको नेकपाले प्रेस विज्ञप्ति जारी गर्दै राम कुमारी झाँक्रीलाई गिरफ्तार गरेर सरकारले ुघोर अलोकतान्त्रिक, निरङ्कुश र सर्वसत्तावादी चरित्र उदाङ्गो पारेकोु भन्दै रिहाइको माग गरेको छ।

के हो राज्यविरुद्धको कसुर ?

नेपालको मुलुकी अपराध ९संहिता० ऐन, २०७४ अनुसारको फौजदारी कसुरहरूको परिच्छेद (१ मा राज्यविरुद्धका कसुरबारे उल्लेख गरिएको छ।

दफा ५८

राष्ट्रपति वा संसद्लाई धम्की दिन नहुनेः १ कसैले नेपालको राष्ट्रपति वा संसद्लाई संविधान तथा कानुनबमोजिम गर्नुपर्ने कार्यसम्पादन गर्नबाट रोक लगाउन वा वञ्चित गर्न वा कुनै खास तरिकाबाट कार्यसम्पादन गर्न बाध्य गराउन कुनै किसिमको बल प्रयोग गरी वा नगरी कुनै किसिमको धम्की दिन, डर वा त्रास देखाउन वा अन्य कुनै किसिमले दबाव दिन हुँदैन।

२ उपदफा १ बमोजिमको कसुर गर्ने वा गराउने व्यक्तिलाई सात वर्षसम्म कैद वा सत्तरी हजार रुपैयाँसम्म जरिबाना वा दुवै सजाय हुनेछ।

स्पष्टीकरणः यस दफाको प्रयोजनको लागि “संसद्” भन्नाले नेपालको संविधानबमोजिमको सङ्घीय संसद् र प्रदेशसभा सम्झनुपर्छ र सो शब्दले व्यवस्थापिका(संसद्लाई समेत जनाउँछ।

दफा ५९

हदम्यादः १ दफा ४९, ५०, ५१, ५२, ५३ र५७ अन्तर्गतका कसुरमा जहिलेसुकै पनि उजुर लाग्न सक्नेछ।

२ उपदफा १ मा उल्लिखित दफाबाहेक यस परिच्छेद अन्तर्गतका अन्य दफा अन्तर्गतको कसुरमा त्यस्तो कसुर भएको थाहा पाएको मितिले दुई वर्ष नाघेपछि उजुर लाग्नेछैन।