भरतपुर : भरतपुर महानगरपालिका–१० रमाइलो चोकमा आफ्नै श्रीमतीको हत्या गरी भाग्न खोज्दा श्रीमान्को मृत्यु भएको छ ।

श्रीमान्ले श्रीमतीको हत्या गरी घरको छटबाट हामफालेर भाग्न खोज्दा श्रीमान्को छटबाट खसेर मृत्यु भएको हो ।

जिल्ला प्रहरी कार्यालय चितवनका अनुसार आइतबार राति १०ः२५ बजेको समयमा स्थानीय ४५ वर्षीय कृष्णप्रसाद आचार्यले घरायसी विवादका कारण ३५ वर्षीया श्रीमती रुश्मा आचार्य घिमिरेलाई धारिलो हतियार प्रयोग गरी गम्भीर घाइते बनाएका थिए । श्रीमतीको उपचारका लागि पुरानो मेडिकल कलेजमा लगिएकोमा त्यहाँ चिकित्सकले मृत घोषणा गरेका हुन् । श्रीमतीलाई आक्रमणपछि घरको तेस्रो तलाबाट भाग्न खोज्दा हामफालेका कृष्णप्रसादको उपचारको क्रममा रातिनै चितवन मेडिकल कलेजमा मृत्यु भएको प्रहरीले जनाएको छ ।

घरायसी झगडाका कारण घरको तेस्रो तल्लाको बैठक कोठामा श्रीमान्ले धारिलो हतियार प्रयोग गरी श्रीमतीको हत्या गरेको प्रहरीले जनाएको छ ।