एएफसी यू–२० खेलमा भुटानको जित
काठमाडौं : एएफसी यू–२० एसियन कप छनोटको पहिलो खेलमा नेपाल भुटानसँग २–० गोल अन्तरले पराजित भएको छ ।
नेपाल शेख अलि बिन मोहमद अल खालिफा स्टेडियममा भएको पहिलो खेलमा पराजित भएको हो ।
भुटानलाई जित दिलाउन सोनाम छोझाङ र कर्मा टासी जाम्त्सोले पहिलो हाफ र दोस्रो हाफमा क्रमशः १–१ गोल गरि २ गोल हात पारेकोे हो ।
खेलको ३३ औं मिनेटमा सोनामले गोल गर्दै भुटानलाई सुरुआती अग्रता दिलाएका थिए ।
छनोटको समूह ‘बी’ मा रहेको नेपालको समूहमा भुटानसँगै कतार, बहराइन र बंगलादेश छन् ।
सन् २०२३ मा उज्वेकिस्तानमा आयोजना हुने यू–२० एसियन कपमा समूह विजेताद्वारा स्थान पाउनेछ भने नेपालले बिहीबार बहराइनसँग खेल्नेछ ।
