सिन्धुपाल्चोक बस दुर्घटनाका मृतकको सनाखत, घाइते हुनेहरूमा प्राय सामान्य चाेट (विवरणसहित)
काठमाडौं, ६ वैशाख । सिन्धुपाल्चोकको त्रिपुरा सुन्दरी गाउँपालिका-५ धारावतीमा जन्ती बस दुर्घटनामा मृत्यु हुने र घाइते हुने सबैको सनाखत भएको छ ।
दोलखाबाट सिन्धुपाल्चोकको पिस्कर जन्ती जाँदै गरेको बा ४ ख ५६१६ नम्बरको बस आज बिहान सात बजेर २० मिनेटमा दुर्घटना भएको थियो ।
जिल्ला प्रहरी कार्यालय सिन्धुपाल्चोकका प्रवक्ता निरञ्जन भट्टराईका अनुसार मृत्यु हुनेमा दोलखाको भीमेश्वर नगरपालिका-१ बस्ने १६ वर्षीय शिव श्रेष्ठ, भीमेश्वर-१ का ७० वर्षीय मानबहादुर थामी र सोही नगरपालिकाका १९ वर्षीय दिपेन्द्र थामी रहेका छन् ।
दुर्घटनामा परी घाइते हुनेहरूमा दोलखा बस्ने २१ वर्षीया स्वस्थानी तामाङ , २५ वर्षीय प्रकाश तामाङ, भीमेश्वर-१ बस्ने ४४ वर्षीय ज्ञान बहादुर तामाङ, बस चालक ३४ वर्षीय दलबहादुर तामाङ, दोलखा कालिन्चोक- ९ बस्ने २४ वर्षीय सिंहबहादुर लामा, भीमेश्वर -१ बस्ने १७ वर्षीया ईश्वरी थामीलगाएतका छन् ।
यस्तै पाँच जना भने सामान्य घाइते भएकाहरू उपचार गरेर घर फर्किइसकेकाे प्रहरीले जनाएकाे छ ।
घाइतेहरूकाे विवरण हेर्नुहाेस …
