प्रधानमन्त्री ओली र अमेरिकी उपविदेशमन्त्री बर्माबीच भेटवार्ता

काठमाडौं, ३२ साउन । संयुक्त राज्य अमेरिकाका व्यवस्थापन तथा श्रोतसम्बन्धी उप–विदेशमन्त्री रिचार्ड आर वर्माले प्रधानमन्त्री केपी शर्मा ओलीसँग भेट गर्नुभएकाे छ ।

आफ्नो नेपाल भ्रमणको क्रममा उहाँले सिंहदरबार पुगेर प्रधानमन्त्री ओलीसँग शिष्टाचार भेट गर्नुभएकाे हाे ।

आजै काठमाडौं आइपुग्नुभएका बर्माले युएसएआइडी नेपालका कार्यक्रम कार्यान्वयन साझेदार, चिया विज्ञ र नेपाली व्यवसायीहरूसँग भेट गर्नुहुने अमेरिकी दूतावासले जनाएको छ ।