प्रधानमन्त्री ओली र भारतीय समकक्षी नरेन्द्र मोदीबीच आज भेटवार्ता हुने
काठमाडाैं, ६ असाेज । संयुक्त राष्ट्रसंघको ७९ औं महासभामा सहभागी हुन न्युयोर्क पुग्नुभएका प्रधानमन्त्री केपी शर्मा ओली र भारतीय समकक्षी नरेन्द्र मोदीबीच आज भेट हुँदैछ।
प्रधानमन्त्री ओली र भारतीय समकक्षी नरेन्द्र मोदीबीच आइतबार साँझका लागि भेटवार्ता तय भएको हो।
प्रधानमन्त्री ओलीको निजी सचिवालयका अनुसार उहाँहरूबीच स्थानीय समयअनुसार साँझ साढे पाँच बजेदेखि ६ बजेसम्म होटेल लोटे न्युयोर्क प्यालेसमा भेटवार्ता हुनेछ।
ओली प्रधानमन्त्रीमा नियुक्त हुनुभएपछि भारतीय प्रधानमन्त्रीसँग पहिलोपटक भेट हुन लागेको हो।
यसअघि थाइल्यान्डमा तय भएको बिमस्टेक बैठकमा प्रधानमन्त्रीओली र भारतीय प्रधानमन्त्री मोदीबीच भेटवार्ता हुने भनिए पनि बैठक नै स्थगित भएको थियो।
