एसईई नतिजामा उल्लेख्य सुधार, अब देशभर निःशुल्क अनलाइन कक्षा सञ्चालन हुने
काठमाडौँ, १४ असार । प्रधानमन्त्री केपी शर्मा ओलीले यस वर्षको माध्यमिक शिक्षा परीक्षा (एसईई) को नतिजामा उल्लेख्य सुधार आएको बताउनुभएको छ।
गत वर्षको तुलनामा १४ प्रतिशत बढी विद्यार्थी उत्तीर्ण हुनुलाई उहाँले शिक्षक, विद्यार्थी र सबैको सामूहिक मेहनतको प्रतिफल भन्नुभएको छ।
सोही अवसरमा उहाँले मौका परीक्षामा सहभागी हुने र आगामी वर्षको एसईईको तयारी गर्ने विद्यार्थीहरूका लागि देशभर महत्त्वपूर्ण विषयमा निःशुल्क अनलाइन कक्षा सञ्चालन गरिने घोषणा पनि गर्नुभयो। यो कदमले विद्यार्थीको सिकाइलाई थप प्रभावकारी बनाउन मद्दत पुग्ने विश्वास गरिएको छ।
