काठमाडौँ, १९ साउन। सभामुख देवराज घिमिरेले प्रमुख राजनीतिक दलका प्रमुख सचेतकहरूसँग संसदको आगामी कार्यसूची तय गर्न छलफल सुरु गर्नुभएको छ।

नयाँ बानेश्वरस्थित संसद् भवनमा जारी बैठकमा उपसभामुख इन्दिरा राना र कानुन, न्याय तथा संसदीय मामिलामन्त्री अजयकुमार चौरसियाको पनि सहभागिता रहेको छ।

बैठक मुख्यतया साउन १५ गतेदेखि ३० गतेसम्मको संसदीय क्यालेन्डर (कार्यतालिका) तयार पार्ने विषयमा केन्द्रित रहेको बताइएको छ। सदनको कामकारबाहीलाई व्यवस्थित र प्रभावकारी बनाउने उद्देश्यले कार्यसूचीबारे दलहरूबीच सहमति जुटाउन यो छलफल आयोजना गरिएको हो।