राष्ट्रपति पौडेलद्वारा हनुमानढोकामा वसन्त श्रवण

काठमाडौँ, ९ माघ । राष्ट्रपति रामचन्द्र पौडेलले श्रीपञ्चमी (वसन्त पञ्चमी) को पावन अवसरमा आज हनुमानढोका दरबारस्थित नासलचोकमा आयोजित विशेष समारोहका बीच वसन्त श्रवण गर्नुभएको छ।

विगतदेखि चलिआएको परम्पराअनुसार आयोजित उक्त समारोहमा हनुमानढोका हेरचाह अड्डाका मूल पुरोहितले राष्ट्रपति पौडेललाई विधिपूर्वक अभिषेक गर्नुका साथै टीका, माला र फूलप्रसाद प्रदान गर्नुभएको थियो। सो क्रममा राष्ट्रपतिले विद्याकी अधिष्ठात्री देवी सरस्वतीको श्रद्धापूर्वक पूजा–आराधना समेत गर्नुभयो। राष्ट्रपतिको सम्मानमा नेपाली सेनाको एक टुकडीले सम्मान गारत (सलामी) अर्पण गरेको थियो।

समारोहमा प्रथम महिला सबिता पौडेल, उपराष्ट्रपति रामसहायप्रसाद यादव, प्रधानमन्त्री सुशील कार्की, राष्ट्रियसभाका अध्यक्ष नारायणप्रसाद दाहाललगायतको उपस्थिति रहेको थियो। त्यसैगरी, मन्त्रिपरिषद्का सदस्यहरू, संवैधानिक निकायका प्रमुखहरू, काठमाडौँ महानगरपालिकाका कार्यवाहक प्रमुख सुनिता डङ्गोल तथा अन्य उच्चपदस्थ विशिष्ट व्यक्तित्वहरूको समेत सहभागिता थियो।

प्रत्येक वर्ष माघ शुक्ल पञ्चमीका दिन हनुमानढोकाको नासलचोकमा राष्ट्रप्रमुखको उपस्थितिमा वसन्त श्रवण गर्ने ऐतिहासिक परम्परा रहेको छ। पौराणिक मान्यताअनुसार यस दिन वसन्त श्रवण गर्नाले मुलुकमा सुख, शान्ति र समृद्धि प्राप्त हुने जनविश्वास रहिआएको छ।