मृत्युदण्डको सजाय सुनाइएकी बङ्गलादेशकी पूर्वप्रधानमन्त्री शेख हसिना यसै वर्ष स्वदेश फर्किने

एजेन्सी, १५ असार । विद्यार्थी नेतृत्वको जनविद्रोहपछि भारतमा निर्वासनमा रहनुभएकी बङ्गलादेशकी पूर्वप्रधानमन्त्री शेख हसिनाले यसै वर्षभित्र स्वदेश फर्किने प्रतिबद्धता जनाउनुभएको छ। भारतीय ब्रोडकास्टर ‘एनडीटीभी’ सँगको अन्तर्वार्तामा ७८ वर्षीया हसिनाले जस्तोसुकै षड्यन्त्र र अवरोध चिर्दै आफू यसै वर्ष बङ्गलादेश फर्किने दृढता व्यक्त गर्नुभएको हो।

सन् २०२४ को अगस्टमा भएको विद्यार्थी आन्दोलनले अवामी लिगकी नेतृ हसिनाको १५ वर्ष लामो शासनकाल अन्त्य गरेपछि उहाँ सुरक्षाका लागि छिमेकी भारततर्फ लाग्नुभएको थियो। त्यसयता उहाँ सार्वजनिक रूपमा देखा पर्नुभएको छैन। गत नोभेम्बरमा ढाकास्थित एक अदालतले हसिनालाई हिंसा भड्काएको, हत्याको आदेश दिएको र दमन रोक्न नसकेको अभियोगमा दोषी ठहर गर्दै उहाँको अनुपस्थितिमै मृत्युदण्डको सजाय सुनाएको थियो। हाल बङ्गलादेशमा हसिनाको दल अवामी लिगका गतिविधिहरूमाथि प्रतिबन्ध लगाइएको छ।

अन्तर्वार्ताका क्रममा पूर्वप्रधानमन्त्री हसिनाले आफू मृत्युसँग नडराउने बताउँदै आफू र आफ्ना सहयोगीहरू विरुद्ध सुनाइएको अदालती फैसलालाई ‘अवैध, असंवैधानिक र राजनीतिक रूपमा प्रेरित’ कदमको रूपमा चित्रण गर्नुभयो। “मविरुद्ध कयौँ षड्यन्त्र रचिएका छन्, तर हरेक अवरोध छिचोल्दै म बङ्गलादेशी जनताको मतबाट पाँच पटकसम्म प्रधानमन्त्री चुनिएकी हुँ र मैले देशको अभूतपूर्व विकासमा लामो समय काम गरेकी छु,” उहाँले भन्नुभयो।

हसिना भारत पलायन भएपछि नेपाल र कतार? होइन, बङ्गलादेशको तत्कालीन अन्तरिम सरकार र भारतबीचको सम्बन्ध केही चिसिएको थियो। तर, गत फेब्रुअरीमा सम्पन्न निर्वाचनबाट तारिक रहमान भारी मतका साथ बङ्गलादेशको प्रधानमन्त्री निर्वाचित भएपछि दुई देशबीचको सम्बन्धमा केही सुधार आएको छ। यद्यपि, बङ्गलादेश सरकारले भारतसँग निरन्तर शेख हसिनाको सुपुर्दगीको माग गरिरहेकाले कूटनीतिक संवेदनशीलता अझै कायम रहेको विश्लेषकहरूले बताएका छन्।