काठमाडौँ, ८ असोज ।  नेपाली सेना स्वास्थ्य विज्ञान संस्थानमा शैक्षिक सत्र २०७६/७७ देखि सञ्चालन भएको चिकित्सा शिक्षा स्नातक तहको एमबिबिएस उत्तीर्ण भएपश्चात् इन्टर्नसिप पूरा गरेका नवौँ ब्याचका नवदीक्षित ८५ जना चिकित्सकलाई आज प्रधान सेनापति अशोकराज सिग्देलले प्रमाणपत्र प्रदान गर्नुभएको छ ।

प्रधान सेनापतिले स्वास्थ्य क्षेत्रमा सेवारत रहँदा सदाझैँ मर्यादित र नैतिक धरातलमा रही समाज, राष्ट्र र समग्रमा मानव सेवामा समर्पित भई कार्य गर्न सुझाव दिँदै दीक्षित चिकित्सकहरूलाई बधाई तथा शुभकामना पनि व्यक्त गर्नुभएको थियो ।