प्रधानमन्त्री प्रचण्ड भेट्न रवि लामिछाने पुगे बालुवाटार

काठमाडौं, १७ माघ । राष्ट्रिय स्वतन्त्र पार्टीका अध्यक्ष रवि लामिछाने प्रधानमन्त्री पुष्पकमल दाहाल प्रचण्डलाई भेट्न बालुवाटार पुगेका छन् ।

लामिछानेकाे नागरिकता विवादमा पदमुक्त भएपछि प्रधानमन्त्रीसँग भएकाे यो दोस्रो भेट हो। आइतबार पुनः नागरिकता लिएपछि रवि प्रचण्डलाई भेट्न बालुवाटार पुगेका थिए।

आज बिहान भएको भेटमा मन्त्रिपरिषद विस्तार लगायतका विषयमा छलफल भएको छ । भेटमा गृहमन्त्री आफ्नो भागमा पाउनु पर्ने रास्वपाले माग गर्दै आएको छ । तर, प्रधानमन्त्री प्रचण्डले भने तत्काल आफ्नो मातहतमा रहने जानकारी दिएका छन् ।

एमालेले भने सहमति अनुसार नै राष्ट्रिय स्वतन्त्र पार्टीले गृहमन्त्री पाउनु पर्ने दबाब दिँदै आएको छ। तर माओवादी भने तत्काल नदिने मुडमा छ।