फिल्म ‘डाकिनी’ जेठ ५ गते रिलिज हुने

काठमाडाैं, ४ जेठ । फिल्म ‘डाकिनी’ भाेली अर्थात जेठ ५ गतेदेखि रिलिज हुँदैछ ।

रिलिजको एकदिन बाँकी रहँदा निर्माण टिमले दर्शकलाई कौतुहल्ता जगाउन फिल्मको पोस्टर सार्वजनिक गरेका छन् ।

फिल्म ‘डाकिनी’काे पोस्टरमा मुख्य कलाकार रविन्द्र सिंह बानियाँलाई प्रस्तुत गरिएको छ । ‘डाकिनी’ मा रविन्द्र तेस्रो लिङ्गीको भुमिकामा छन् ।

बानियाँले कपालमा सिहुँरिएको गुलाबको फूल र गजरा (फूलको माला), आँखामा गाजल, ओठमा रातो रंगको लिपिस्टिक, गालामा पोते, हातमा चुरा, नङमा नेलपोलिस, सिउँदोमा सिन्दूर, निधारमा बिन्दी, चौबन्दी चोली र साडी लगाएर ट्रान्सवुमन लुक्समा प्रस्तुत छन् ।

फिल्मको मुख्य भूमिकामा भियतनामका छिरिङ तासी र अमेरिकाबाट आएकी तेन्जिङ कुन्सेलले अभिनय गरेका छन् । साथै, नेपाली कलाकारहरु कर्मा, दिव्यदेव, रविन्द्रसिंह बानियालगायतको पनि अभिनय देख्न सकिन्छ ।

खिन्से नोर्बुको यो पाचौं फिल्म हो । कम्पनी षट्कोण आर्टस्ले यो फिल्म नेपालमा प्रदर्शन गर्न लागेको हो ।