देशभर मेघगर्जन र चट्याङसहित वर्षाको सम्भावना, सतर्कता अपनाउन आग्रह

काठमाडौँ, २८ जेठ । हाल नेपालमा पश्चिमी चापीय रेखा र स्थानीय वायुको संयुक्त प्रभावका कारण देशका अधिकांश भू-भागमा वर्षा र हिमपातको सम्भावना देखिएको छ । जल तथा मौसम विज्ञान विभागका अनुसार बुधबार देशका विभिन्न स्थानमा हल्का वर्षा भएको छ भने आगामी केही दिनसम्म मौसममा बदली रहने देखिएको छ ।

विभागको मौसम पूर्वानुमान महाशाखाले जारी गरेको बुलेटिन अनुसार हाल देशभर साधारणतया बदलीको अवस्था छ । कोशी, बागमती, गण्डकी र लुम्बिनी प्रदेशका पहाडी तथा हिमाली क्षेत्रका केही स्थानमा मेघगर्जन र चट्याङसहित मध्यम वर्षा र हिमपातको सम्भावना रहेको छ ।

यस्तै, मधेश प्रदेशसहित कर्णाली र सुदूरपश्चिम प्रदेशका पहाडी भू-भागमा समेत वर्षाको प्रक्षेपण गरिएको छ । लुम्बिनी र सुदूरपश्चिमका तराई क्षेत्रका एक-दुई स्थानमा समेत वर्षा हुन सक्ने भएकाले आवश्यक सतर्कता अपनाउन विभागले अनुरोध गरेको छ ।