जन्तर मन्तरमा भइरहेको आन्दोलनका बीच भारतीय प्रधानमन्त्री मोदीको भिडियो सन्देश

काठमाडौं, ८ साउन । भारतको जन्तर मन्तरमा भइरहेको आन्दोलनका बीच भारतीय प्रधानमन्त्री नरेन्द्र मोदीले राति अबेर एक भिडियो सन्देश जारी गर्नुभयो। प्रधानमन्त्री मोदीले विद्यार्थीहरूका नाममा एउटा भिडियो सन्देश जारी गर्दै प्रश्नपत्र लिक कुनै सामान्य विषय नभएको प्रष्ट पार्नुभएको छ ।

‘प्रश्नपत्र लिक कुनै सामान्य विषय होइन,’ उहाँले भन्नुभएको छ, ‘साथीहरू, प्रश्नपत्र लिक हुनु कुनै सामान्य विषय होइन। यसले लाखौँ विद्यार्थीहरू र उहाँहरूका अभिभावकहरूलाई अत्यन्तै पीडा दिएको छ । सरकारको सबैभन्दा ठूलो जिम्मेवारी विद्यार्थीहरूको एक वर्ष खेर नजाओस् भन्ने थियो। त्यसैले कम भन्दा कम समयमा करिब २२ लाख विद्यार्थीहरूको परीक्षा सञ्चालन गराइयो ।’

प्रधानमन्त्री मोदीले सरकार यति मात्र कारबाहीबाट सन्तुष्ट हुनेवाला नरहेको भन्दै सम्बन्धित विभागहरूलाई प्रश्नपत्र लिकका मामिलाहरूका लागि फास्ट ट्र्याकमा दोषीहरूका लागि कडा सजायको व्यवस्था गरिएको पनि उल्लेख गर्नुभयो । ‘यस मस्यौदामा शुक्रबार क्याबिनेटमा छलफल हुनेछ र मन्त्रीहरूको सुझावपछि यसलाई अन्तिम रूप दिइनेछ,’ उहाँले भन्नुभयो ।

Leave a Reply

Your email address will not be published. Required fields are marked *