काठमाडौं, ३० भदाै । देशभरि आज बदली मौसम रहने मौसमविद्हरूले जनाएका छन्। मौसम पूर्वानुमान महाशाखाका अनुसार दिउँसोको समयमा कोशी, बागमती र गण्डकी प्रदेशका हिमाली एवं पहाडी क्षेत्रका एक-दुई ठाउँमा भारी वर्षा हुने सम्भावना छ।

यसैगरी कोशी, बागमती र गण्डकीका हिमाली भेगका केही स्थान र लुम्बिनी, कर्णाली तथा सुदूरपश्चिमका हिमाली क्षेत्रका थोरै ठाउँमा गर्जन तथा चट्याङसहित मध्यम वर्षा-हिमपात हुन सक्ने महाशाखाले बताएको छ। देशका विभिन्न पहाडी भेगमा पनि यस्तै प्रकारको मौसमी अवस्था देखिने अनुमान गरिएको छ।

तराई क्षेत्रमा पनि वर्षाको प्रभाव देखिनेछ — बागमती, गण्डकी र लुम्बिनीका तराई भेगका केही ठाउँ तथा मधेश, कोशी र सुदूरपश्चिमका तराईका थोरै स्थानमा मध्यम वर्षा हुनसक्छ।

राति पनि मौसम बदली नै रहने र कोशी प्रदेशका पहाड तथा तराई भेगका एक-दुई ठाउँमा भारी वर्षा हुनसक्ने प्रक्षेपण गरिएको छ। साथै कोशी, बागमती, गण्डकी र लुम्बिनीका तराई क्षेत्रका केही स्थान र मधेश, सुदूरपश्चिमका थोरै ठाउँमा मध्यम वर्षा जारी रहने देखिन्छ। हिमाली तथा पहाडी भेगहरूमा गर्जन-चट्याङसहितको वर्षा-हिमपातको क्रम रातिसम्म पनि कायम रहने अनुमान छ।

गत २४ घण्टामा पनि मुलुकभर विभिन्न स्थानमा उल्लेखनीय वर्षा भएको थियो, जसमा संखुवासभा र भक्तपुरमा धेरै भारी वर्षा दर्ता भएको महाशाखाले जनाएको छ।