काठमाडौं उपत्यकामा भोलि सार्वजनिक विदा
काठमाडाैं, १० जेठ । काठमाडौं उपत्यकामा भोलि सार्वजनिक विदा हुने भएको छ।
गृह मन्त्रालयले बुधबार एक विज्ञप्ति जारी गर्दै काठमाडौं उपत्यकामा सार्वजनिक विदा दिएकाे हाे ।
बिहिबार रातो मत्स्यन्द्रनाथको भोटो देखाउने जात्रा भएकाेले उपत्यकाका तीन जिल्ला (काठमाडौं, ललितपुर र भक्तपुर) मा विदा दिइएको जनाएको छ।
जाउलाखेलमा राखिएको मच्छिन्द्रनाथको रथ यात्राको अन्तिम दिन भोटो देखाउने चलन रहिआएकाे छ ।
यससँगै मच्छिन्द्रनाथलाई सानो खटमा राखी बुंगमतीमा लगिएपछि जात्रा समापन हुन्छ।
