गायक प्रकाश सपूतको फिल्म ‘परदेशी २’ को गीत सार्वजनिक (भिडिओसहित )

काठमाडाैं, ३ असाेज । गायक प्रकाश सपूतको फिल्म ‘परदेशी २’ को गीत सार्वजनिक भएकाे छ । नारायण रायमाझी निर्देशित फिल्म ‘परदेशी २’ को नयाँ गीत सार्वजनिक गरिएको हाे ।

बुधबार म्युजिक नेपाल युट्युब च्यानलमार्फत सार्वजनिक गरिएको गीतकाे भिडिओमा कलाकार प्रकाश सपूत, दीलिप रायमाझी, रमा थपलियालगायतलाई प्रस्तुत गरिएको छ।

प्रशान्त तामाङको स्वर रहेको गीतमा सतिश चापागाईंको शब्द र विवी अनुरागीको संगीत रहेको छ।

राजेश वंशल र नारायण रायमाझीको संयुक्त निर्माण रहेको फिल्ममा प्रकाश सपूत, दीलिप रायमाझी, प्रशान्त तामाङ, केकी अधिकारी, वर्षा शिवाकोटी, नीर शाह, रमा थपलिया, सविन बास्तोता, देवेन्द्र बब्लुलगायत कलाकारको अभिनय छ।