पूर्वमन्त्री जितेन्द्र देव कांग्रेस परित्याग गरि एमालेमै फर्किए
काठमाडौं, १७ असार । पूर्वमन्त्री एवं राष्ट्रियसभाका सांसद जितेन्द्रनारायण देव एमालेमा फर्किनुभएकाे छ ।
पार्टी मुख्यालय च्यासलमा आयोजित कार्यक्रममा सांसद देव, रामप्रीत राम, इकबाल अहमद साहलगाएत नेताहरू एमालेमा प्रवेश गर्नुभएकाे हाे ।
उहाँहरूलाई अध्यक्ष केपी शर्मा ओलीले टीका र खादा लगाएर स्वागत गर्नुभएकाे छ । पार्टी प्रवेश कार्यक्रममा वरिष्ठ उपाध्यक्ष ईश्वर पोखरेल, महासचिव शंकर पोखरेल, उपमहासचिव प्रदीप ज्ञवालीलगायतका एमाले नेताहरू उपस्थित हुनुभएकाे थियाे ।
नेकपा फेडरेशनबाट राजनीति थाल्नुभएका जितेन्द्र देव नेकपा एमालेमा लामो समय केन्द्रीय नेतृत्वमा रहनुभएकाे थियाे । एमाले विभाजनपछि उहाँ नेकपा मालेमा लाग्नुभएकाे थियाे ।
उहाँ संविधानसभाको दोस्रो कार्यकाल सकिएपछि नेपाली कांग्रेसमा प्रवेश गरेर ६ वर्ष राष्ट्रियसभा सदस्य हुनुभएकाे थियाे। करिब १७ वर्षपछि उहाँ पुनः एमालेमा फर्किनुभएकाे हाे ।
