कमलपोखरीमा छठकाे राैनक, राष्ट्रपतिले गरे पुजा (तस्वीरहरु)
काठमाडौं, २२ कात्तिक । राष्ट्रपति रामचन्द्र पौडेलले छठ पर्वका अवसरमा छठी माताको पूजाआराधना गर्नुभएको छ । राष्ट्रपति पौडेलले आज अपराह्न काठमाडौँको कमलपोखरीमा पुगेर छठी माताको पूजाअर्चना गर्नुभएको हो ।
त्यस्तै आज छठ पर्वको मुख्य दिन ब्रतालुहरूले अस्ताउँदो सूर्यको पूजा आराधना गरेका छन् ।
बिहीबार काठमाडौंका छठघाटहरुमा पुगेका ब्रतालुले छठको पूजा गरी सूर्यको उपासना गरेका हुन् । बिहीबार सूर्यास्तअघि नै ब्रतालुहरु काठमाडौंको कमलपोखरी छठघाटमा पुगेर आआफ्नो छठघाटबाट अस्ताउँदो सूर्यलाई अर्घ दिए ।
कतिपय ब्रतालु बिहीबार रातभर जाग्राम बसेर भोलि बिहान उदाउँदो सूर्यलाई अर्घ दिन्छन् ।
सबै तस्वीरहरु विनाेद श्रेष्ठ
