बढ्यो धरहराको आकर्षण: अब बिहानदेखि साँझसम्मै खुला
काठमाडौं, १ साउन । काठमाडौंको मुटुमा ठडिएको ऐतिहासिक धरहरा अब सूर्योदयदेखि सूर्यास्तसम्मै सर्वसाधारणका लागि खुला हुने भएको छ।
नागरिकको व्यापक माग र सुझावपछि सरकारले धरहरा अवलोकनको समयलाई दोब्बरभन्दा बढीले बढाएर दिनको १२ घण्टा पुर्याएको हो, जुन आजबाटै कार्यान्वयनमा आएको छ।
सर्वसाधारणले “समय कम भयो” भन्ने गुनासो गरेपछि धरहराको समय बिहान ८ देखि बेलुका ८ बजेसम्म तोकिएको हो। यो निर्णयले अब कार्यालय समयपछि वा बिहानको फुर्सदमा पनि धरहरा चढ्ने र काठमाडौं उपत्यका नियाल्ने अवसर सर्वसाधारणलाई मिल्नेछ।
पुनर्निर्माणपछिको छोटो अवधिमै २ लाख ३७ हजारभन्दा बढी अवलोकनकर्ता र ४ करोडभन्दा माथिको राजस्व संकलनले यसको लोकप्रियता प्रमाणित गरिसकेको छ। नयाँ समय-तालिकाले यो आकर्षणलाई थप उचाइ दिने अपेक्षा गरिएको छ।
