क्यानडामा अगस्ट महिनामा वार्षिक मुद्रास्फीति तीन प्रतिशतमा स्थिर रहेको सोमबार सार्वजनिक सरकारी तथ्याङ्कले देखाएको छ । देशको अर्थतन्त्र संयुक्त राज्यअमेरिकासँग गहिरिँदै गएको व्यापार युद्धको प्रभावको तयारीमा छ । प्रधानमन्त्री मार्क कार्नीले अगस्ट २१ मा संयुक्त राज्यअमेरिकासँग व्यापार वार्ता तोडेपछि राष्ट्रपति डोनाल्ड ट्रम्पले क्यानडामाथि नयाँ भन्सार शुल्क लगाएको घोषणा गर्नुभएको थियो । त्यपछि दुवै पक्षबाट जवाफी प्रतिक्रियाहरू देखाइएका थिए ।

 

“यो अवधिमा हवाई यात्रा जस्ता ऊर्जा–गहन श्रेणीहरूमा मूल्य वृद्धि उच्च रह्यो तर यो विशाल उपभोक्ता समूहमा उल्लेखनीय रूपमा फैलिएको छैन,” रोयल बैङ्क अफ क्यानडाका अर्थशास्त्री एब्बी जूले एक वक्तव्यमा भन्नुभयो । क्यानडाको केन्द्रीय बैङ्कले यस महिना लगातार सातौँ पटक आफ्नो प्रमुख ब्याजदर अपरिवर्तित राखेको छ तर व्यापार युद्धले वृद्धि र मुद्रास्फीतिमा असर पार्न सक्ने चेतावनी दिएको छ।