पाँच दिनमा १२७ अंकले घट्यो नेप्से

काठमाडाैं, १४ साउन । आइतबार नेप्से सूचक २६.१४ अंकले घटेर २१००.३४ विन्दुमा झरेर बन्द भएकाे छ ।

२२०० विन्दुमाथि पुगेको नेप्से सूचक पछिल्लो पाँच दिनदेखि लगातार घट्दो क्रममा छ। नेप्से सूचक पाँच कारोबार दिनमा १२६.८१ अंकले घटेको हाे ।

आइतबार शिवम् सिमेन्टको सबैभन्दा धेरै १४ करोड ७८ लाख रुपैयाँको शेयर कारोबार भएको छ भने सोल्टी होटलको ११ करोड ९९ लाख, एभरेष्ट बैंकको १० करोड २० लाख र हिमालयन डिस्टिलरीको ६ करोड रुपैयाँको शेयर कारोबार भएको छ।

यस दिन कारोबारमा आएका १८ वटा कम्पनीको मात्रै शेयरमूल्य बढेको छ । जसमा पिपुल्स पावरको शेयरमूल्य सबैभन्दा धेरै ३.५६ प्रतिशतले बढेको छ भने सुपर माइ हाइड्रोपावरको ३.०६ प्रतिशत र सिनर्जी पावरको १.८० प्रतिशतले बढेको छ।

यता मनकामना स्मार्ट लघुवित्तको शेयरमूल्य सबैभन्दा धेरै ६.७८ प्रतिशतले घटेको छ भने अभियान लघुवित्तको ६.५७ प्रतिशत र हिमालयन लघुवित्तको ५.१४ प्रतिशतले घटेको छ।

कारोबारमा आएका १३ उपसमूहमा म्युचुअल फण्ड बाहेक १२ वटै उपसमूहको सूचक नकारात्मक देखिएको छ। जसमा फाइनान्स उपसमूहको सूचक सबैभन्दा धेरै २.३२ प्रतिशतले घटेको छ।

Leave a Reply

Your email address will not be published. Required fields are marked *