६८ वर्षीया महिलालाई बलात्कार गरेकाे अभियाेगमा थारू पक्राउ

बर्दिया, २१ माघ । बर्दियामा ६८ वर्षीया महिलालाई बलात्कार गरेको अभियोगमा एक जनालाई प्रहरीले पक्राउ गरेका छन् ।

पक्राउ पर्नेमा बारबर्दिया नगरपालिका-११ मिलन चोक बस्ने ३० वर्षीय रामकिसुन थारू रहेकाे प्रहरीले जनाएकाे छ ।

थारूले सोही नगरपालिका-११ बिजयनगरस्थित कपास विकास फारममा गत १४ गते ती महिलालाई बलात्कार गरेको उजुरीको आधारमा ईलाका प्रहरी कार्यालय मोतिपुरबाट खटिएको प्रहरीले उनलाई पक्राउ गरेको हो ।

प्रहरीले यस सम्बन्धमा थप आवश्यक अनुसन्धान गरिरहेको जनाएकाे छ ।