काठमाडौँ, १३ असार। सिंहदरबारस्थित प्रधानमन्त्री तथा मन्त्रिपरिषद्को कार्यालयमा मन्त्रिपरिषद्को नियमित बैठक सुरु भएको छ।

निर्धारित समयभन्दा करिब दुई घण्टा ढिलो गरी बैठक बसेको हो।

बैठकमा प्रधानमन्त्री केपी शर्मा ओलीको आसन्न स्पेन भ्रमण, देशको वर्तमान राजनीतिक घटनाक्रम तथा सरकारका विभिन्न मन्त्रालयगत नियमित कार्यसूचीहरूमाथि छलफल हुने बताइएको छ।

प्रधानमन्त्रीको स्पेन भ्रमणको प्रस्ताव यसअघि नै सैद्धान्तिक रूपमा स्वीकृत भइसकेको भए पनि भ्रमणको तयारी र अन्य विषयमा थप छलफल हुन सक्ने एक मन्त्रीले जानकारी दिए।

यसबाहेक, बैठकले सरकारका नियमित प्रशासनिक तथा नीतिगत निर्णयहरू गर्नेछ।